Կայացել է Քաղաքաշինության կոմիտեի նախագահին կից գիտատեխնիկական խորհրդի 9-րդ նիստը՝ համալրված կազմով:

Ներկաների ուշադրությանն է ներկայացվել «Երկրաշարժադիմացկուն շինարարություն. նախագծման նորմեր» շինարարական նորմերով նախատեսված Հատուկ տեխնիկական պայմանների (ՀՏՊ) նախագիծ: ՀՏՊ-ները սահմանում են գործող նորմերը լրացնող նոր պահանջներ և դրույթներ՝ սահմանված հարկայնությունը գերազանցող շրջանակակապային հիմնակմախքով շենքերի նախագծման համար: Կառուցապատման այդպիսի ծրագիր ունեցող ընկերության նախագծային թիմը ներկայացրել է իրենց ծրագրի քաղաքաշինական առանձնահատկությունները: Դիտարկվել է բարձրահարկ շենքային համալիրի կառուցման նպատակահարմարությունը:

Խորհրդի անդամները քննարկել են նաև շինարարական մի քանի արտադրատեսակների տեղական արտադրության զարգացմանն աջակցելու հնարավորությունները:

Օրակարգի մյուս հարցերը վերաբերել են քաղաքաշինական նախագծման և փորձաքննության որակի բարձրացմանը: