Մթնոլորտային օդի աղտոտվածության խնդիրների շարքում շինարարության գործոնը նվազագույնի հասցնելու նպատակով Քաղաքաշինության կոմիտեն նոր պահանջներ է սահմանել «Շինարարական արտադրության կազմակերպում» շինարարական նորմերով, որոնք առաջիկայում կհրապարակվեն arlis.am հարթակում։

Քաղաքաշինության կոմիտեի նախագահ Եղիազար Վարդանյանը հյուրընկալել է ծանրամարտի Աշխարհի և Եվրոպայի կրկնակի չեմպիոն Նազիկ Ավդալյանին։ Քննարկվել են «Նազիկ Ավդալյան» սպորտի զարգացման հիմնադրամի ծրագրերը՝ ուղղված մարզերում մարզադպրոցների հիմնմանը և պրոֆեսիոնալ սպորտի զարգացմանը։

Քաղաքաշինության կոմիտեի նախագահ Եղիազար Վարդանյանը և կոմիտեի նախագահի առաջին տեղակալ Դավիթ Գրիգորյանն այցելել են Երևանի Է. Թելմանի անվան N13 հիմնական դպրոց։ Նախագծային կազմակերպության և կոմիտեի պատասխանատու ստորաբաժանման ներկայացուցիչների հետ նրանք դիտարկել են գոյություն ունեցող շենքի վիճակը, քննարկել նախագծային հնարավոր լուծումները։

Արմավիր համայնքում շահագործման է հանձնվել Նորավան բնակավայրի «Մոդուլային» տիպի մսուր-մանկապարտեզը, որը կառուցվել է Քաղաքաշինության կոմիտեի համակարգմամբ։ Բացման արարողությանը Արմավիրի և Արարատի մարզեր կատարած այցի ընթացքում ներկա է գտնվել ՀՀ վարչապետ Նիկոլ Փաշինյանը, Քաղաքաշինության կոմիտեի նախագահ Եղիազար Վարդանյանը և պաշտոնատար այլ անձինք։ 144 երեխայի համար նախատեսված մանկապարտեզի կառուցման ծրագրի իրականացման համար պետբյուջեից հատկացվել է ավելի քան 794 մլն դրամ:

Քաղաքաշինության կոմիտեի նախագահ Եղիազար Վարդանյանը հերթական չնախատեսված այցն է կատարել Արագածոտնի մարզի շինարարական հրապարակներ։ Կաքավաձորում Քաղաքաշինության կոմիտեի համակարգմամբ կառուցվում է 75 երեխայի համար նախատեսված նոր մանկապարտեզ։ Բացի այդ, նորոգվում է Կաքավաձորի Մ. Մխիթարյանի անվան միջնակարգ դպրոցը։

Քաղաքաշինության կոմիտեի նախագահ Եղիազար Վարդանյանի գլխավորությամբ կայացել է գիտատեխնիկական խորհրդի հերթական նիստը։ Դիտարկվել են Երևանում և Կոտայքի մարզում մի քանի բնակելի շենքի և հասարակական նշանակության կառույցի նախագծային փաստաթղթերի մշակման համար հատուկ տեխնիկական պայմանները։

Հարգելի՛ գործընկերներ և քաղաքացիներ,

Տեղեկացնում ենք, որ WhatsApp հավելվածում բացվել են ՀՀ քաղաքաշինության կոմիտեի նախագահի առաջին տեղակալ Դավիթ Գրիգորյանի, նախագահի տեղակալ Նունե Պետրոսյանի, Լիցենզավորման վարչության պետ Նշան Մարտիրոսյանի և կոմիտեի այլ պաշտոնյաների անունից և նրանց լուսանկարների օգտագործմամբ կեղծ օգտահաշիվներ, որոնցից տարբեր անձանց ուղարկվում են հաղորդագրություններ։