Քաղաքաշինության կոմիտեի նախագահ Եղիազար Վարդանյանը շրջայց է կատարել Երևանի Արմեն Հովհաննիսյանի անվան N194 հիմնական դպրոցի շինարարական հրապարակ։ Շրջայցին մասնակցել են նաև Քաղաքաշինության կոմիտեի պատասխանատու ստորաբաժանման, կապալառու, տեխնիկական հսկողություն իրականացնող և նախագծային ընկերությունների ներկայացուցիչները։

Քաղաքաշինության կոմիտեի միջազգային համագործակցության և կառուցապատման ներդրումային ծրագրերի վարչության պետ Էրիկ Հովսեփյանը Շվեյցարիայի Ժնև քաղաքում մասնակցել է Միավորված ազգերի կազմակերպության Եվրոպական տնտեսական հանձնաժողովի (ԵՏՀ) քաղաքաշինության, բնակարանային տնտեսության և հողային ռեսուրսների կառավարման կոմիտեի 86-րդ նստաշրջանին։

Քաղաքաշինության կոմիտեի նախագահ Եղիազար Վարդանյանը, Վաղարշապատ համայնքի ղեկավարի պաշտոնակատար Արգիշտի Մեխակյանը և Խոյ համայնքի ղեկավար Լյուդվիկ Յայլոյանը շրջայց են կատարել Արմավիրի մարզի Հովտամեջի դպրոցի շինարարական հրապարակ։ Շրջայցին մասնակցել են նաև Քաղաքաշինության կոմիտեի պատասխանատու ստորաբաժանման, կապալառու, տեխնիկական հսկողություն իրականացնող և նախագծային ընկերությունների ներկայացուցիչները։

Արագածոտնի և Շիրակի մարզեր կատարած այցի ընթացքում վարչապետ Նիկոլ Փաշինյանը եղել է Աշտարակի բժշկական կենտրոնի նորակառույց պոլիկլինիկայում, որը կառուցվել է Քաղաքաշինության կոմիտեի համակարգմամբ։ Ծրագրի ընդհանուր արժեքը կազմում է շուրջ 761 մլն դրամ: Քաղաքաշինության կոմիտեի նախագահ Եղիազար Վարդանյանը ներկայացրել է, որ ծրագրի իրականացման արդյունքում մարզում կառուցվել է պոլիկլինիկայի և դիահերձարանի նոր շենք: Աշխատանքներն իրականացվել են 2022-2025թթ.:

Քաղաքաշինության կոմիտեի ենթակայությամբ գործող Ալեքսանդր Թամանյանի անվան ճարտարապետության ազգային թանգարան-ինստիտուտը նշում է հիմնադրման 35-ամյակը։ Այդ առիթով կազմակերպված տոնական միջոցառմանը թանգարանի աշխատակիցներին շնորհավորել է Քաղաքաշինության կոմիտեի նախագահ Եղիազար Վարդանյանը՝ մաղթելով ստեղծագործական ու գիտական նոր ձեռքբերումներ։ Կոմիտեի ղեկավարը նշել է, որ թանգարանն անցել է կայացման և զարգացման ճանապարհ՝ իր շուրջ ձևավորելով մասնագիտական յուրահատուկ միջավայր։ Նրա դիտարկմամբ՝ հաջողությունների գրանցման այդ ճանարապարհը հարթել են իրենց գործի նվիրյալ աշխատակիցները։

Հայաստանի ճարտարապետների պալատում տեղի է ունեցել ճարտարապետների պարգևատրման արարողություն, որին մասնակցել են ՀՀ կրթության, գիտության, մշակույթի և սպորտի նախարար Ժաննա Անդրեասյանը, Քաղաքաշինության կոմիտեի նախագահ Եղիազար Վարդանյանը և ոլորտի ներկայացուցիչներ։ 

Հայաստանում հունվար-օգոստոսին իրականացվել է 374 մլրդ 853.1 մլն դրամի շինարարություն, ինչը նախորդ տարվա նույն ժամանակի նկատմամբ աճել է 20.4 տոկոսով: Ոլորտի պատասխանատուներն ու ներկայացուցիչները Երևանում եկամտային հարկի վերադարձի ծրագրի ավարտից հետո շինարարության «աշխարհագրության» փոփոխություն են նկատում. մարզերում ակտիվություն է դիտվում: