2014 թվականին մեկնարկել էր պետական ծառայողներին մատչելի բնակարանով ապահովման ծրագիրը, համաձայն որի նախատեսվում էր Երևան քաղաքի Արաբկիր վարչական շրջանի Ադոնց փողոցում կառուցել 1000 բնակարան: Ծրագրով նախատեսված աշխատանքները ՀՀ կառավարության անունից համակարգում և իրականացնում է ՀՀ քաղաքաշինության կոմիտեն:

2014 թվականին մեկնարկած ծրագրի առաջին փուլը, որի ընթացքում պետական ծառայողների համար կառուցվել է 266 բնակարան և ավտոկայանատեղի, ավարտվել և շահառուներին է հանձնվել դեռևս 2017 թվականին:

Այժմ ընթացքի մեջ են ծրագրի երեք փուլերը:
Ծրագրի 2-րդ փուլով Երևան քաղաքի Ադոնցի փողոցի N 6/2 հասցեում կառուցվող շենքային համալիրը, որտեղ պետական ծառայողների համար նախատեսված են 175 բնակարան և ավտոկայանատեղի շահագործման կհանձնվի մինչև 2018 թվականի տարեվերջ:

Ծրագրի 3-րդ փուլով Երևան քաղաքի Ադոնցի փողոցի N 6 հասցեում կառուցվող բազմաբնակարան շենքային համալիրի շինարարության ավարտը նախատեսվում է մինչև 2019 թվականի հոկտեմբերի 30-ը, իսկ բնակարանների հանձնումը շահառուներին՝ մինչև 2019-ի տարեվերջ: Շինարարական համալիրում պետական ծառայողների համար նախատեսված է 294 բնակարան և ավտոկայանատեղի: Շինարարական աշխատանքներն ընթանում են ըստ սահմանված ժամանակացույցի:

Ծրագրի 4-րդ փուլով Երևան քաղաքի Ադոնցի փողոցի N 4 և N4/3 հասցեներում մեկնարկել են 2 բազմաբնակարան շենքային համալիրների շինարարական աշխատանքները, որոնցում պետական ծառայողների համար նախատեսվել է 265 բնակարան և ավտոկակայատեղի: Շինարարական աշխատանքները նախատեսվում է ավարտել 2021 թվականին: