Գեղարքունիքի մարզ կատարած այցի ընթացքում ՀՀ վարչապետ Նիկոլ Փաշինյանը Մարտունի համայնքում այցելել է Աստղաձոր բնակավայրի «Մոդուլային» տիպի 144 տեղ հզորությամբ նորակառույց մսուր-մանկապարտեզ։ Մանկապարտեզը կառուցվել է Քաղաքաշինության կոմիտեի համակարգմամբ։

Քաղաքաշինության կոմիտեի նախագահ Եղիազար Վարդանյանը հանդիպել է կոմիտեի համակարգմամբ ծրագրեր իրականացնող շինարարական և տեխնիկական հսկողություն իրականացնող կազմակերպությունների ներկայացուցիչների հետ։ Նա ներկայացրել է հիմնական սկզբունքները, որոնք առաջիկայում առաջնորդող են լինելու քաղաքաշինական ծրագրերն իրագործելիս։

ԿԳՄՍ նախարար Ժաննա Անդրեասյանը և Քաղաքաշինության կոմիտեի նախագահ Եղիազար Վարդանյանը Հայաստանի ճարտարապետների պալատում հանդիպել են քաղաքաշինության բնագավառի մասնագետների հետ՝ քննարկելու ոլորտային հարցեր։ Հանդիպմանը մասնակցել են նաև Ճարտարապետության և շինարարության Հայաստանի ազգային համալսարանի ռեկտոր Մանուկ Բարսեղյանը, ուսանողներն ու դասախոսները։

Տավուշի մարզ կատարած այցի շրջանակում ՀՀ վարչապետ Նիկոլ Փաշինյանը Բագրատաշեն բնակավայրում ներկա է գտնվել «Մոդուլային» տիպի 144 տեղ հզորությամբ նորակառույց մանկապարտեզի բացման արարողությանը: 1293քմ ընդհանուր մակերեսով մսուր-մանկապարտեզը կառուցվում է Քաղաքաշինության կոմիտեի համակարգմամբ։

Արագածոտնի մարզի Ալագյազ համայնքում տեղի է ունեցել հունահռոմեական ոճի ըմբիշներ Մալխաս և Ռոման Ամոյանների անվան նոր մարզադպրոցի հիմնարկեքի արարողությունը, որին ներկա է գտնվել ՀՀ վարչապետ Նիկոլ Փաշինյանը։

Քաղաքաշինության կոմիտեի նախագահ Եղիազար Վարդանյանը Տավուշի մարզում այցելել է Բագրատաշենի մոդուլային մսուր-մանկապարտեզ, որը կառուցվում է կոմիտեի համակարգմամբ։ 144 երեխայի համար նախատեսված, մետաղական կոնստրուկցիաներով և սենդվիչ պանելներով մսուր-մանկապարտեզի շինարարությունն ավարտված է. կատարվում են վերջին աշխատանքները։