Քաղաքաշինության կոմիտեում հյուրընկալել են Միացյալ Թագավորության «International Hospitals Group» կազմակերպության պատվիրակությանը և Երևանի քաղաքապետարանի «Երևանի կառուցապատման ներդրումային ԾԻԳ» ՀՈԱԿ-ի ներկայացուցիչներին։

Երևանում տեղի է ունեցել Ալբերտ Ազարյանի անվան մարզադպրոցի հիմնարկեքի արարողությունը, որին ներկա են գտնվել վարչապետ Նիկոլ Փաշինյանը և պաշտոնատար այլ անձինք։ Միջոցառմանը մասնակցել է նաև Քաղաքաշինության կոմիտեի նախագահ Եղիազար Վարդանյանը։

Քաղաքաշինության կոմիտեի և Գերմանիայի միջազգային համագործակցության ընկերության (GIZ) հայաստանյան գրասենյակի համագործակցությամբ կազմակերպվել է շենքերի ու շինությունների էներգաարդյունավետության վերաբերյալ աշխատաժողով։ Նպատակն է քննարկել ՀՀ-ում գործող էներգաարդյունավետությանն առնչվող իրավական կարգավորումներն արդիականացնելու, շինարարական նորմեր մշակելու հնարավորությունը` դիտարկելով Մոլդովայում ԵՄ շենքերի էներգախնայողության ուղեցույցի (EPBD) ներդրման փորձը։

Քաղաքաշինության կոմիտեի նախագահ Եղիազար Վարդանյանը և տեղակալ Նունե Պետրոսյանը մասնակցել են «Մերիդիան» էքսպո կենտրոն վարչապետ Նիկոլ Փաշինյանի կատարած շրջայցին։