Իտալացի փորձագետները Քաղաքաշինության կոմիտեի և Ասիական զարգացման բանկի համատեղ նախաձեռնությամբ մշակել են Կումայրի պատմաճարտարապետական արգելոց-թանգարանի տարածքում կառուցապատման կանոնակարգման 

ՀՀ Ազգային ժողովի տարածքային կառավարման, տեղական ինքնակառավարման, գյուղատնտեսության և շրջակա միջավայրի պահպանության մշտական հանձնաժողովի նախագահ Վահե Ղալումյանն ընդունել է Քաղաքաշինության կոմիտեի նախագահ Արմեն Ղուլարյանին և կոմիտեի բնակարանային ֆոնդի կառավարման և կոմունալ ենթակառուցվածքների վարչության պետ Տանյա Արզումանյանին:

Քաղաքաշինության կոմիտեի ներկայացուցիչները մասնակցել են «Բազմաբնակարան շենքերի էներգաարդյունավետության ֆորումին», 

Ճարտարապետության ոլորտում մեծություն, ում հեղինակությունը տարածված էր Խորհրդային Միության

Միջթանգարանային գործակցության արդյունքում հանրությունը կարող է ծանոթանալ ճարտարապետ Ռաֆայել Իսրայելյանի՝ գինեգործության մշակույթին նվիրված արխիվային գործերին

Քաղաքաշինության կոմիտեն շարունակում է անբավարար տեխնիկական վիճակում գտնվող բնակֆոնդի հիմնախնդրի կանոնակարգմանն ուղղված աշխատանքները՝ դիտարկելով ներդրումային ծրագրերի շրջանակում խնդիրը լուծելու հնարավորությունը:

Արդյունավետ մեխանիզմներ մշակելու նպատակով կոմիտեում տեղի է ունեցել հանդիպում Ֆինանսերի, Արդարադատության, Տարածքային կառավարման և ենթակառուցվածքների, Էկոնոմիկայի նախարարությունների, Կադաստրի կոմիտեի պատասխանատուների, ինչպես նաև Կառուցապատողների հայկական ասոցիացիայի և ոլորտի ընկերություների ներկայացուցիչների հետ:
Հանդիպման ժամանակ դիտարկվել են հիմնական սկզբունքները, որոնց համաձայն պետք է մշակվեն բնակարանային ֆոնդի թարմացման ծրագրերը, շեշտադրվել է գործընթացին սեփականատերերի մասնակցության և ներդրումների ու գործարարության համար բարենպաստ միջավայրի ձևավորման անհրաժեշտությունը:
Կոմիտեի նախագահ Արմեն Ղուլարյանն ընդգծել է հիմնախնդրի կանոնակարգման համար պետություն-մասնավոր համագործակցության կարևորությունը, հետևաբար բոլոր մասնակիցների առաջարկների դիտարկմամբ փորձ է արվելու գտնել լուծման հավասարակշռված և փոխադարձ ընդունելի տարբերակ:
Ֆինանսերի նախարարի տեղակալ Արման Պողոսյանը վերահաստատել է հարկային քաղաքականության համար պատասխանատու մարմնի պատրաստակամությունը՝ ձևավորելու այնպիսի հարկային միջավայր, որն առնվազն չի խոչընդոտի և կապահովի անբավարար տեխնիկական վիճակում գտնվող վթարային բնակֆոնդի հիմնախնդրի լուծմանն ուղղված ծրագրերի հաջող ընթացքը:
Կողմերը համաձայնել են, որ անհրաժեշտ է խնդրին ցուցաբերել համակարգային մոտեցում՝ առաջնորդվելով ընդհանուր քաղաքաշինական միջավայրի նորացման և անհրաժեշտ ենթակառուցվածքների ձևավորման տրամաբանությամբ: Կառուցապատողների հայկական ասոցիացիայի նախագահ Գուրգեն Գրիգորյանը փոխանցել է ոլորտի կազմակերպությունների պատրաստակամությունը՝ մասնակցելու նմանատիպ ծրագրերին, նշելով, որ դա կնպաստի շինարարության ակտիվ տեմպի պահպանմանը: