400 քառակուսի մետրից փոքր հողամասերում բնակելի տուն կառուցելու սահմանափակումը հանվել է։ Քաղաքաշինության կոմիտեն փոփոխություն է կատարել «Քաղաքաշինություն. քաղաքային և գյուղական բնակավայրերի հատակագծում և կառուցապատում» շինարարական նորմերում։ Արդյունքում քաղաքացիները կարող են տուն կառուցել մինչև 400քմ բնակելի կառուցապատման նշանակության տնամերձ հողամասում՝ ապահովելով մուտքի-ելքի պատշաճ ճանապարհ, պահպանելով հակահրդեհային պահանջները, կառուցապատման առավելագույն տոկոսը և քաղաքաշինական այլ նորմերը։

Քաղաքաշինության կոմիտեի նախագահ Եղիազար Վարդանյանը մասնակցել է «TOON EXPO. INVEST 2026» անշարժ գույքի և կառուցապատման ոլորտի ցուցահանդեսի բացմանը։ Շնորհավորելով կազմակերպիչներին և մասնակիցներին՝ նա նշել է, որ ցուցահանդեսը լավ հնարավորություն է՝ դիտարկելու կառուցապատման միտումները։

Քաղաքաշինության կոմիտեն պարզեցրել է անհատական բնակելի տների կառուցման ընթացակարգը։ Թվային հարթակի միջոցով քաղաքացիները կկարողանան սեղմ ժամկետներում ստանալ տուն կառուցելու համար անհրաժեշտ թույլատվական փաստաթղթերը։