2012 թվականի մայիսի 24-ին ՀՀ քաղաքաշինության նախարար Վարդան Վարդանյանի գլխավորությամբ Գյումրիում կայացել է <<Մուշ-2>> եւ <<Անի>> նորակառույց թաղամասերի 3 եւ 4 սենյականոց բնակարանների բաշխման վիճակահանության 2-րդ փուլը:

Քաղաքաշինության նախարարի տեղակալ Ռուզան Ալավերդյանի գլխավորությամբ տեղի է ունեցել ՀՀ համայնքների /բնակավայրերի/ քաղաքաշինական ծրագրային փաստաթղթերի մշակման աշխատանքները համակարգող միջգերատեսչական հանձնաժողովի նիստը:

2012 թվականի ապրիլի 27-ին քաղաքաշինության նախարարությունը Լոռու մարզի գյուղական բնակավայրերում անցկացրել է երկրաշարժի հետեւանքով անօթեւան մնացած ընտանիքների բնակարանային խնդիրների լուծման նպատակով իրականացվող բնակարանային շինարարության ծրագրի շրջանակներում կառուցված բնակելի տների հավաստագրերի տրամադրման գործընթաց:

2012 թվականի ապրիլի 3-4-ը Վրաստանում կայացել է «Քաղաքաշինական կայուն զարգացումը Հարավային Կովկասում» խորագրով կոնֆերանս:Կոնֆերանսին մասնակցել են Հարավային Կովկասի երկրների, Գերմանիայի, Իսպանիայի, Նիդեռլանդների, Լեհաստանի, Ֆրանսիայի եւ այլ երկրների մասնագետներ ու փորձագետներ:

ՀՀ քաղաքաշինության նախարարությունը մշակել եւ ՀՀ կառավարություն է ներկայացրել որոշման նախագիծ, որը կարգավորում է Արմավիր քաղաքի Շահումյան փողոցի թիվ 11 եւ 13 բնակելի վթարային շենքերի բնակիչների վերաբնակեցման հարցը:

Բնակարանային տնտեսության եւ հողերի կառավարման բյուրոյի 2009 թվականի դեկտեմբերի 21-ի նիստը քննարկել եւ կարեւոր է համարել մատչելի, անվտանգ եւ էկոլոգիապես ապահով բնակարանների զարգացման քաղաքականության բարելավման անհրաժեշտությունը ՄԱԿ-ի Եվրոպական Տնտեսական Հանձնաժողովի <ԵՏՀ> տարածաշրջանում: