2012 թվականի հունիսի 17-ին ՀՀ քաղաքաշինության նախարարի տեղակալ Ավագ Հակոբյանի գլխավորությամբ Գյումրիում կայացել է բնակարանային շինարարության ծրագրի շրջանակներում <<Մուշ-2>> եւ <<Անի>> թաղամասերում կառուցված բազմաբնակարան շենքերի 2 սենյականոց 529 բնակարանների բաշխման վիճակահանությունը:
Վիճակահանությամբ բաշխվել է 503 բնակարան: 1-ին եւ 2-րդ խմբի հաշմանդամ ունեցող 55 ընտանիքներին առաջարկվել է մասնակցել առաջին հարկում գտնվող 132 բնակարանների վիճակահանությանը: 26 բնակարաններ վիճակահանությամբ չեն բաշխվել` շահառու ընտանիքների չներկայանալու պատճառով: